2022 оны 3 сарын 5-6-ны өдрүүдэд Зүүн бүсийн мини волейболын тэмцээн 10-12 нас, 13-14 нас гэсэн 2 ангиллаар амжилттай зохион байгуулагдаж өндөрлөлөө. Энэхүү тэмцээнд Дундговь амйгийн зүүн бүсийн 7 сумын 214 тамирчин оролцлоо. Тэмцээнийг Гурвансайхан сумын ЕБС, Засаг дарга, ЗДТГ, сумын волейболын холбоо, багийн Засаг дарга нар, ахмад багш Ж. Цэцэгдэлгэр, Гурвансайхан багийн малчин Ж. Өлзийсайхан, П. Төмөржав, Дэрсэнэ-Ус багийн малчин Л. Лхагважав, Чулуут багийн малчин Ц. Сүрэнжав нар ивээн тэтгэж хамтарч ажиллалаа.
Ж. Даваадорж багштай манай баг тамирчид амжилттай оролцож 10-12 насны ангилалд эрэгтэй баг Хүрэл медаль, эмэгтэй баг Алтан медаль, 13-14 насны ангилалд эрэгтэй баг Хүрэл медаль хүртлээ. Мөн "Өсөх ирээдүйтэй тамирчин"-аар 6а ангийн сурагч Ч. Номинмөнхзул, "Шилдэг холбогч"-оор 7а ангийн сурагч Н. Мөнхбадрах нар тодорч, багийн дүнгээрээ 2-р байр эзэллээ. Уг арга хэмжээг амжилттай зохион байгуулж хамтран ажилласан нийт ард иргэд, тэмцээнд амжиттай оролцсон багш, сурагчдадаа сайн сайхан бүхнийг хүсэн ерөөж спортын өндөр амжилт хүсье.